150 il əvvəl - 1875-ci il iyulun 22-də görkəmli ziyalı, təbiətşünas alim və maarifçi-publisist Həsən bəy Zərdabinin Azərbaycan dilində nəşr etdirdiyi "Əkinçi" qəzeti milli mətbuatımızın ilk nümunəsi və ölkəmizin həyatında mühüm hadisə kimi tarixə düşüb. Cəmi iki il fəaliyyət göstərən qəzet maarifçi ideyaların carçısı olmaqla yanaşı, cəhalətə və xurafata qarşı kəskin məqalələr dərc edərək milli özünüdərkin, ictimai, siyasi və bədii fikrin inkişafına, mütərəqqi jurnalist nəslinin yetişməsinə önəmli töhfə verib.

Azərbaycan Tibbi İnformasiya və Səhiyyə Portalı - azmedinfo.az Milli Mətbuat və Jurnalistika Günü münasibətilə bütün media nümayəndələrini, xüsusilə də tibb jurnalistikası sahəsində fəaliyyət göstərən qələm sahiblərini peşə bayramı münasibətilə təbrik edir, onlara möhkəm can sağlığı, yaradıcılıq uğurları və cəmiyyətin sağlam gələcəyi naminə fəaliyyətlərində yeni nailiyyətlər arzulayır.

Sözün gücünə arxalanaraq səhiyyə maarifləndirilməsi sahəsində göstərdiyiniz xidmətlər hər zaman yüksək dəyərləndirilir, əziz həmkarlar!