Şanxayda həkimlər başı demək olar ki, bədəndən ayrılan xəstənin həyatını xilas ediblər.

Azmedinfo.az "South China Morning Post"a istinadən yazır ki, hadisə zamanı xəstənin boyun fəqərələri qopmuş, həyati əhəmiyyətli sinir-damar strukturları zədələnmişdi. Buna baxmayaraq, onurğa beyni ciddi əzilmələr alsa da, bütöv qalıb.

Həkimlər əməliyyat zamanı xəstənin fəqərələrini yenidən bərkitməli olub və eyni zamanda iki əsas arteriyadakı tıxanıqlığın öhdəsindən gəliblər.

“Biz yerli və xarici ədəbiyyatı araşdırdıq, amma bu qədər ağır boyun fəqərəsi ayrılması ilə bağlı, üstəlik müalicədən sonra sağ qalan bir hadisəyə rast gəlməmişik,” – deyə Hərbi Tibb Universitetinin nəzdində fəaliyyət göstərən Şanxay Çançjenq Xəstəxanasının boyun onurğası cərrahiyyəsi şöbəsinin müdiri Çen Xuacyanq bildirib.