Ümumdünya Səhiyyə Təşkilatının alimləri Afrikada aşkarlanan yeni, hələlik naməlum ölümcül xəstəliklə bağlı həyəcan təbili çalıb. Artıq onlarla insan həyatını itirib.

Azmedinfo.az xəbər verir ki, xəbəri dünya KİV-ləri yayıb.

İlk hadisə Zairdə (Konqo) qeydə alınıb. Qida kimi yarasa yeyən üç uşaq eyni vaxtda xəstələnib. Yalnız beş həftə ərzində 50-dən çox insan həlak olub.

Xəstəlik əvvəlcə qusma ilə başlayır, sonra daxili qanaxma açılır və xəstə iki gün ərzində ölür.

Simptomlar hemorragik qızdırmanı xatırladır, lakin xəstəlik tamamilə yenidir. Hələ ki, onun barədə yalnız bir fakt məlumdur – ölüm göstəricisi sarı qızdırma, Ebola və denge qızdırmasını geridə qoyur.