13 noyabr 2025-ci il tarixində “Qadın Sağlamlıq Mərkəzi” İctimai Birliyi, “Azərbaycan Əczaçı Sahibkarlar Assosiasiyası” və “Medical Media”nın təşkilatçılığı ilə “Qadın sağlamlığı: fundamental və tətbiqi tədqiqatlar kursu” çərçivəsində praktiki kurs keçiriləcək.

Azmedinfo.az xəbər verir ki, Tədbirdə Azərbaycan Radiologiya Cəmiyyətinin sədri Dr. Yunus Əfəndiyev “Radiologiyanın əsasını təşkil edən anlayışlar və radioloji terminologiya” mövzusunda, “Qadın Sağlamlıq Mərkəzi” İctimai Birliyinin sədri Dr. Fəridə Abbasova “Yumurtalıq xoşxassəli törəmələrin ultrasonoqrafik diaqnostikası” mövzusunda, Mərkəzi Gömrük Hospitalının mama-ginekologiya şöbəsinin mama-ginekoloqu, t.ü.f.d. Dr. Sədi Allahverdiyev isə “Yumurtalıq xoşxassəli törəmələrinin cərrahi müalicəsi” mövzusunda məruzə ilə çıxış edəcək.

Kursda iştirak etmək istəyənlər +99455 455-68-68 nömrəsi ilə əlaqə saxlaya və ya link (https://forms.gle/odYXEDPiUcBz3KJX8) vasitəsilə qeydiyyat  keçə bilərlər.

Ünvan: “Medical Media”da, Mərdanov Qardaşları 127.