Azərbaycan Pediatrlar Assosiasiyasının təşəbbüsü və LasoMedGroup-un təşkilati dəstəyi ilə “Milli Pediatriya Akademiyası – 95 il Yubiley Layihəsi” çərçivəsində mühüm elmi-praktik konfrans təşkil olunacaq.

Azərbaycan Respublikası Səhiyyə Nazirliyi tərəfindən akkreditasiya ediləcək tədbir 15 mart 2025-ci il tarixində Mingəçevir şəhərində, Ağ Saray Hotelində baş tutacaq.

Konfransda pediatriyanın aktual problemləri, müasir diaqnostika və müalicə üsulları müzakirə olunacaq. Ölkənin tanınmış tibb mütəxəssisləri bu sahədəki ən son elmi yenilikləri və klinik təcrübələri bölüşəcək, həkimlər arasında bilik və təcrübə mübadiləsinə geniş imkan yaradılacaq.

Tədbir çərçivəsində iştirakçılar pediatriyanın müxtəlif istiqamətləri üzrə yeniliklərlə tanış olacaq, eləcə də multidisiplinar müzakirələr aparmaq imkanı əldə edəcəklər.

Konfransla bağlı əlavə məlumat və qeydiyyat üçün əlaqə saxlaya bilərsiniz.