3 may 2025-ci ildə Radisson Park Hoteldə “Neyroinkişaf Pozuntuları” mövzusunda multidissiplinar elmi-praktik konfrans baş tutacaq. Tədbir Azərbaycan Respublikası Səhiyyə Nazirliyi, İcbari Tibbi Sığorta üzrə Dövlət Agentliyi və TƏBİB-in dəstəyi, ADLER Psixologiya Mərkəzi və Azərbaycan Pediatrlar Assosiasiyasının təşəbbüsü, LasoMedGroup-un təşkilati dəstəyi ilə keçiriləcək.

Azmedinfo.az xəbər verir ki, konfrans Azərbaycan Respublikası Səhiyyə Nazirliyi tərəfindən akkreditasiya olunacaq və həm ölkəmizdən, həm də beynəlxalq arenadan tanınmış mütəxəssislərin çıxışlarını əhatə edəcək. Tədbirin əsas məqsədi neyroinkişaf pozuntularının diaqnostikası, müalicəsi və reabilitasiyası sahəsində müasir yanaşmaları paylaşmaq, tibbi mütəxəssislər arasında elmi bilik və təcrübə mübadiləsini gücləndirməkdir.

Konfransın hədəf auditoriyasına pediatrlar, nevroloqlar, psixiatrlar, psixoloqlar, psixo-pedaqoqlar, loqopedlər və duyu bütünləmə mütəxəssisləri daxildir.

Qeydiyyat və əlavə məlumat üçün: +994 70 352 00 13 / +994 70 952 00 13