Biruni Universiteti Tibb Fakültəsi Xəstəxanasının Qidalanma və Pəhriz Mütəxəssisi Gəmzə Çakaloğlu bildirib ki, bir çox məhsulların qablaşdırılması insanların həmin məhsulları həddindən artıq istehlak etməsini təşviq etmək məqsədilə xüsusi olaraq hazırlanır.

Azmedinfo.az "T24"ə istinadən yazır ki, onun sözlərinə görə, rəngarəng dizaynla təqdim olunan, “uyğun”, “şəkərsiz” və ya “light” kimi zərərsiz görünən ifadələrlə tanıdılan qidalar əslində ultra işlənmiş məhsullar kateqoriyasına daxildir. Bu tip qidaların tərkibində çox vaxt sağlamlığa mənfi təsir edə biləcək maddələr olur. Çakaloğlu bu cür məhsulların uzunmüddətli istehlakının metabolik xəstəliklər, piylənmə və digər sağlamlıq problemləri ilə əlaqəli olduğunu vurğulayıb.

İngiltərə və ABŞ da daxil olmaqla səkkiz ölkədə aparılan araşdırmaya görə, həddindən artıq işlənmiş qidaları çox istehlak edən insanların vaxtından əvvəl ölüm riski daha yüksəkdir.

"American Journal of Preventive Medicine"də dərc edilən araşdırmada, yarımfabrikat ət, qarğıdalı, qazlı içkilər, peçenye və dondurma kimi həddindən artıq işlənmiş qidaların yüksək istehlakının vaxtından əvvəl ölüm riski ilə əlaqəli ola biləcəyi, 2018-ci ildə isə 124 min vaxtından əvvəl ölümün ABŞ-da və təkcə İngiltərədə qida ilə əlaqəli olduğu açıqlanıb.

Çakaloğlu, bir çox məhsulların artıq insanları doyurmaq və ya qidalandırmaq üçün deyil, insanları daha çox yeməyə təşviq etmək üçün nəzərdə tutulduğuna diqqət çəkib. O, qablaşdırılmış məhsullardan tamamilə uzaq durmağın çətin ola biləcəyini, lakin məhsulların tanınması və məhdudlaşdırılmasının idarə oluna biləcəyini vurğulayıb.

Mütəxəssis evdə sadə maddələrlə hazırlanan yeməklərin təkcə fiziki deyil, ruh sağlamlığı üçün də faydalı olduğunu bildirib.