Milli Məclisin mayın 16-da keçiriləcək plenar iclasının gündəliyi açıqlanıb.

Azmedinfo.az xəbər verir ki, iclasın gündəliyinə daxil edilən məsələlərdən biri də Əmək Məcəlləsində, “Əhalinin sağlamlığının qorunması haqqında”, “Özəl tibb fəaliyyəti haqqında” və “Dərman vasitələri haqqında” qanunlarda dəyişiklik edilməsi barədə qanun layihəsidir.

Sözügedən dəyişikliklərin məqsədi ölkədə səhiyyə xidmətlərinin hüquqi tənzimlənməsinin təkmilləşdirilməsi, vətəndaşların tibbi xidmətlərə çıxış imkanlarının artırılması və dərman vasitələrinin dövriyyəsinə nəzarətin gücləndirilməsidir.