Yay istisində kondisioner rahatlıq gətirsə də, ondan düzgün istifadə olunmadıqda sağlamlığa zərər verə bilər.

Azmedinfo.az Mərkəzi Neftçilər Xəstəxanasının mütəxəssislərinin aşağıdakı tövsiyələrini təqdim edir:

• Otaq temperaturu ilə çöl temperaturu arasındakı fərq 5-7 dərəcədən çox olmamalıdır. Çox aşağı temperatur tənəffüs yolları infeksiyalarına, əzələ spazmlarına və baş ağrısına səbəb ola bilər.

• Kondisioner küləyi birbaşa bədənə yönəldikdə boyun tutulması, bel ağrısı və iflic riski yarana bilər.

• Filtrləri ayda ən azı bir dəfə təmizləyin və ya dəyişdirin. Toz, kif və bakteriyalar allergiya, öskürək və astma tutmalarına yol aça bilər.

• Kondisioner qapalı hava dövranı yaratdığı üçün hər 1-2 saatdan bir otağı havalandırmaq məqsədilə pəncərəni açmaq tövsiyə olunur.

• Kondisioner havadakı rütubəti azaldır. Buna görə otaqda su dolu qab saxlamaq, nəmləndirici cihazlardan istifadə etmək və kifayət qədər su içmək vacibdir.