Uşaqların sosial mediada gündə 3-4 saatdan çox vaxt keçirməsi, onlarda özünəinam çatışmazlığı, narahatlıq, depressiya və diqqət pozuntularına yol aça bilər. Mütəxəssislər valideynlərin övladları ilə birlikdə məzmunları izləyərək onlara düzgün istiqamət göstərməsinin vacibliyini vurğulayırlar.

Azmedinfo.az "Cumhuriyet" qəzetinə istinadən yazır ki, texnologiyanın sürətlə inkişaf etdiyi rəqəmsal dövrdə uşaqlar ekranlarla getdikcə daha erkən yaşda tanış olurlar. Xüsusilə sosial media platformalarına olan maraq, uşaqlarda asılılıq səviyyəsində istifadə vərdişlərini formalaşdırır. Mütəxəssislər bu halın həm psixoloji, həm də fiziki inkişafı mənfi təsir edə biləcəyi barədə xəbərdarlıq edirlər.

Aparılan araşdırmalara görə, Türkiyədə 10-14 yaş arası uşaqların 65%-i gündə ən az 3 saat ekran qarşısında vaxt keçirir.

Sosial medianın uşaqlar üzərindəki psixoloji təsirləri barədə danışan İstanbul Bilgi Universitetinin Psixologiya fakültəsinin müəllimi Dr. Pelinsu Bulut Özer qeyd edib ki, gündə 3-4 saatı keçən sosial media istifadəsi uşaqlarda özünəinam əskikliyi, depressiya, narahatlıq və yuxu pozuntularına səbəb olur.

O bildirib:“Daimi bildirişlər və sürətli məzmun axını da uşaqların diqqət müddətinə mənfi təsir göstərərək uzunmüddətli planları davam etdirmə, diqqəti qoruma kimi id