Böyük Britaniya sakini Kris Kört uzun müddət mədə-bağırsaq sistemində yaranan simptomları – nəcisin pozulması və mədədə spazmları ciddiyə almamış, onları təhlükəsiz hesab etmişdi.

Azmedinfo.az xəbər verir ki, "Daily Mail" nəşrinin yazdığına görə, defekasiya zamanı qan görməsi onu həkimə müraciət etməyə vadar edib. Nəşrdə qeyd olunur ki, kişi ağrı hiss etmədiyindən diaqnozun vaxtında qoyulması daha da çətinləşib.

Yekunda xəstəyə bağırsaq xərçəngi diaqnozu qoyulub. Bu hadisə mədə-bağırsaq sistemində baş verən dəyişikliklərin diqqətdən yayınmaması və vaxtında tibbi müayinənin əhəmiyyətini bir daha göstərir.