Yay aylarında geniş istifadə olunan qarpız və yemiş, düzgün yuyulmadıqda və saxlanmadıqda qida zəhərlənməsi riski yaradır.

Azmedinfo.az "TRT Haber"ə istinadən yazır ki, Ankara Tədris və Araşdırma Xəstəxanasının infeksionist həkimi Prof. Dr. Salih Cesur, gigiyenik qaydalara əməl olunmamasının, yalnız bu meyvələr deyil, bütün meyvə və tərəvəzlər üçün təhlükə yaratdığını bildirib.

Ən çox rast gəlinən zəhərləyici amillər:

Bakteriyalar: salmonella, şigella, kampilobakter

Viruslar: rotavirus, norovirus

Parazitlər: amöb dizenteriyası və s.

Qida təhlükəsizliyi üçün tövsiyələr:

Əlləri yeməkdən əvvəl mütləq yumaq.

Meyvələri sirkəli suda 15–20 dəqiqə saxlayaraq yumaq.

Kəsmə bıçaqları əvvəlcə ət və ya toyuqla təmas edibsə, mütləq sabunla təmizlənib durulanmalıdır.

Meyvələr kəsildikdən sonra soyuducuda saxlanmalı və tez istehlak olunmalıdır.

Əlamətlər (tükətdikdən 12–24 saat sonra):

Hərarət, ürəkbulanma, qusma, qarın ağrısı, iştahasızlıq.

Bu hallarda təxirə salmadan tibb müəssisəsinə müraciət edilməlidir.