Son araşdırmalara görə, II və III qan qrupu sahibləri daha yüksək səviyyədə "pis" xolesterinə malikdirlər ki, bu da sağlamlıq üçün risk yaradır.

Azmedinfo.az "Actualnews"a istinadən yazır ki, alimlər müəyyən etdiyinə görə, qan qrupu bir çox xəstəliklərə meyilliliyi də təyin edə bilər.

Məsələn:

I qan qrupu sahibləri venoz tromboemboliyadan daha az əziyyət çəkirlər, lakin qanaxmalara daha çox meyillidirlər.

IV qan qrupu isə II tip diabet və idrak pozuntuları ilə əlaqələndirilir.

II qan qrupu sahibləri koronavirusa daha çox yoluxurlar, I qrupa malik olanlar isə nisbətən qorunur.

I qan qrupu insanları malyariyaya qarşı davamlı olur, lakin xolera və vərəmə qarşı daha həssasdır.

III qan qrupu olanlar qonoreya və salmonelloza daha meyllidir.

IV qan qrupu isə çiçək və HİV kimi infeksiyalara daha açıqdır.

Əlavə olaraq, qan qrupu gənə dişləməsi riskinə də təsir edir: II qrup qan sahibləri gənələri daha çox cəlb edir, III qrup isə bu cəhətdən daha az risk altındadır.