Bəzi miflər insanların şüurunda uzun müddət qalır, məsələn, gündə 10 000 addım gəzmək. Əslində bu çağırış 1965-ci ildə "Yamasa Tokei" adlı Yaponiya şirkəti tərəfindən "Gündə 10 000 addım ataq" adlı addım sayğacı satışa çıxarılanda başlamışdır.

Azmedinfo.az xəbər verir ki, həkim endokrinoloq Fərhad Burzu 10 000 addımın mif yaxud həqiqət olması məsələsinə aydınlıq gətirib.

Həkim bildirib ki, bu çağırışın əsas məqsədi fiziki aktivliyi artırmaqdır: "Təbii ki, bunda zərərli heçnə yoxdur, lakin 10 000-dən də az addım edərək fiziki sağlamlığı qorumaq mümkündür. "JAMA Network Open" araşdırmasında müəyyən edildi ki, 10 000-dən az addım edənlərin səhhəti 10 000-dən çox addım edənlərın səhhəti qədər yaxşı idi".

Kanada tədqiqatında diabet xəstələrinin bir qrupu sadəcə dərman müalicəsində, 2ci qrup isə gündəlik addımlarını 5000-dən 6200 qədər artırmışdı və nəticələr göstərdi ki, gündəlik addımların 10 000 olmamasına baxmayaraq qanda şəkərin səviyyəsini daha yaxşı nəzarət altında saxlamaq mümkündür". 

Kiçik bir yapon araşdırması isə göstərib ki, postmenopozda olan qadınlar gündəlik addımlarının sayını 6800-dən 8500 qədər artırmaqla lipid səviyyələrinin yaxşılaşmasına nail olublar. 

"Gündə 10 000 addım çox tərifə layiq və faydalıdır, ancaq reallıq ondadır ki, gün ərzində bu rəqəmdən az addım etsəni belə sağlamlığınıza böyük dəstək olacaqsınız. Əsas məqsəd odur ki, hərəkətsiz həyat tərzi sürməkdənsə həyatınıza fiziki aktivlik əlavə edin", - deyə həkim əlavə edib.