Ölkə üzrə müşahidə edilən yüksək temperaturun avqustun 8-dək davam edəcəyi proqnozlaşdırılır.

Azmedinfo.az xəbər verir ki, bu barədə məlumatı Milli Hidrometeorologiya Xidməti yayıb.

Gözləntilərə əsasən, Bakıda və Abşeron yarımadasında gündüz saatlarında temperatur 35-40 dərəcəyə, dağlıq bölgələrdə isə 29-34 dərəcəyədək yüksələcək. Mərkəzi Aran rayonlarında və Naxçıvan Muxtar Respublikasında da temperaturun 35-40, bəzi ərazilərdə isə 41 dərəcəyə qədər isti olacağı bildirilir.

Abşeron yarımadasında, xüsusilə də sahilboyu zonalarda cənub-şərq istiqamətli küləklərin üstünlük təşkil edəcəyi gözlənilir. Bu küləklər havada nisbi rütubətin artmasına və durğun atmosfer şəraitinin yaranmasına səbəb ola bilər.