Ayaqlarda qəfil qıcolma baş verdikdə sadə özünəyardım üsullarından istifadə etmək mümkündür – ayağı soyuq səthə qoymaq və ya spazm tutan əzələyə iynə ilə toxunmaq.

Azmedinfo.az "Actualnews"a istinadən yazır ki, bu barədə nevroloq həkim, tibb elmləri doktoru Yelena Filatova açıqlamasında bildirib.

Mütəxəssisin sözlərinə görə, bu üsullar qıcolmanı tam müalicə etmir, lakin ev şəraitində əlçatan olduqları üçün vəziyyəti qısa müddətdə yüngülləşdirə bilərlər.

“Qıcolma – qısa müddətli bir prosesdir. Əzələ spazmını dayandırmaq üçün kənardan güclü təsir göstərmək lazımdır. Bu, ayağın altına soyuq döşəmə ilə təmas və ya əzələnin iynə ilə qıcıqlandırılması ola bilər. Hazırda bundan daha təsirli üsul mövcud deyil,” – deyə Filatova qeyd edib.

O, əlavə edib ki, qıcolmalar nadir hallarda təhlükəli olur. Lakin problem mütəmadi hal alarsa, səbəbini müəyyənləşdirmək və müvafiq müalicə üçün həkimə müraciət etmək vacibdir.