Proktologiya üzrə mütəxəssis Anastasiya Travnikova insan sağlamlığına ən çox zərər vuran peşələr haqqında danışıb.

Azmedinfo.az "Actualnews" portalına istinadən yazır ki, siyahının başında maliyyə sektoru əməkdaşları və IT mütəxəssisləri yer alır – onlar iş vaxtlarının 95%-ə qədərini kompüter qarşısında keçirirlər.

Onlardan sonra loqistlər, marketoloqlar və dövlət qulluqçuları gəlir – bu şəxslər də iş saatlarının təxminən 80%-ni ekran qarşısında keçirirlər.

Bu sahələrdə çalışan bir çox insan nahar fasiləsində belə ofisdə qalmağa üstünlük verir və çölə çıxmır, bu isə onların azhərəkətli həyat tərzini daha da ağırlaşdırır. Nəticədə piylənmə, venoz durğunluq və babasil riski artır. Əgər bu simptomlara məhəl qoyulmasa, vəziyyət daha da pisləşə və nəticədə diskomfortun aradan qaldırılması üçün cərrahi müdaxilə tələb oluna bilər.

Travnikova uzun müddət oturaq işlə məşğul olan şəxslərə fiziki aktivliyi unutmağı məsləhət görür. Hətta qısa gəzintilər və iş vaxtı ərzində edilən kiçik məşqlər belə durğun proseslərin qarşısını almağa və ümumi sağlamlıq vəziyyətini yaxşılaşdırmağa ciddi töhfə verə bilər.