2025-ci ilin yanvar-iyul ayları ərzində Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Tibbi-Sosial Ekspertiza və Reabilitasiya Agentliyi tərəfindən ümumilikdə 32 min 600 nəfərə əlillik müəyyən edilib.

Azmedinfo.az-a agentliyin ictimaiyyətlə əlaqələr şöbəsinin verdiyi məlumata görə, bu göstəricinin 14 min 500-ü ilkin, 18 min 100-ü isə təkrar əlillik təyin olunması ilə bağlıdır.

Qiymətləndirmə prosesi səhiyyə müəssisələri tərəfindən e-sistemə daxil edilən göndəriş məlumatları əsasında tam elektron qaydada aparılır. Əlillik statusu müəyyən edildikdən sonra, e-sistem üzərindən vətəndaşlara proaktiv şəkildə sosial ödənişlərin təyin olunması təmin edilir.