Ağstafa Rayon Mərkəzi Xəstəxanasında talassemiya, hemofiliya və digər qan xəstəliklərindən əziyyət çəkən uşaqlara dəstək məqsədilə qanvermə aksiyası təşkil olunub.

Azmedinfo.az xəbər verir ki, Azərbaycan Respublikası Səhiyyə Nazirliyi “Respublika Qan Bankı” PHŞ və Ağstafa Rayon İcra Hakimiyyətinin birgə təşkilatçılığı ilə keçirilən tədbirdə ictimaiyyət nümayəndələri, könüllü donorlar və rayon rəhbərliyi iştirak edib.

Aksiya zamanı xüsusi tibb briqadasının hemotoloq həkimləri donorların sağlamlıq vəziyyətini yoxladıqdan sonra qan nümunələri qəbul ediblər. Toplanan qan ehtiyatı yoxlanıldıqdan sonra xəstə uşaqların müalicəsində istifadə olunacaq.