Hazırda Abşeron yarımadası, həmçinin respublikanın şimal və cənub bölgələrində yerləşən çimərliklərdə sanitar-gigiyenik vəziyyətin qiymətləndirilməsi məqsədilə monitorinqlər davam etdirilir.

Azmedinfo.az xəbər verir ki, Səhiyyə Nazirliyi Respublika Gigiyena və Epidemiologiya Mərkəzinin verdiyi məlumata əsasən, yoxlamalar Azərbaycan Dövlət Su Ehtiyatları Agentliyi yanında Suların İstifadəsinə və Mühafizəsinə dövlət Nəzarəti Xidməti əməkdaşları ilə birgə həyata keçirilir.

Mövsümün indiyədək olan dövründə çimərliklərdə yoluxucu xəstəlik halı aşkarlanmayıb. Dəniz suyunda bakterioloji çirklənmə müəyyən edilən ərazilərdə isə nəzarət tədbirləri gücləndirilib.

Xatırladaq ki, son günlər uşaqlar arasında bağırsaq infeksiyası hallarının artması ilə bağlı məlumatlar yayılıb.