Viroloq Viktor Zuevin sözlərinə görə, çikunyunya qızdırması zamanı müəyyən bir simptomun yaranması ölüm riskini artıra bilər.

Azmedinfo.az "Actualnews"a istinadən yazır ki, bu virus Çində sürətlə yayıldığı üçün diqqət mərkəzindədir.

Həkim bildirib ki, “çikunyunya” sözü tərcümədə “əyilmiş vəziyyətdə olmaq” deməkdir. Xəstəlik oynaqları zədələyir.

İnkubasiya dövrü 2–12 gün çəkdikdən sonra oynaqlarda ağrı yaranır, bədən temperaturu 40°C-yə qədər yüksəlir. Simptomlar arasında səpgi də ola bilər. Ümumiyyətlə, xəstəlik adətən ağır fəsadlar vermir və ölüm halları nadirdir. Lakin yaşlılar və hamilə qadınlar daha diqqətli olmalıdır. Xüsusi müalicə üsulu yoxdur.

Çində artıq 10 min nəfərin çikunyunyaya yoluxduğu məlumdur. Ölkədə təhlükəsizlik məqsədilə karantin tədbirləri tətbiq olunub.