Ümumrespublika Təmizlik Marafonu çərçivəsində növbəti dəfə ərazilər tullantılardan təmizlənib

10 Avqust 2025

726

“Təmiz ölkəm” devizi altında keçirilən təmizlik aksiyaları çərçivəsində bu həftə Ekologiya və Təbii Sərvətlər Nazirliyinin yerli qurumlarının, yerli icra hakimiyyəti orqanlarının, bələdiyyə nümayəndələrinin və sakinlərin iştirakı ilə Xəzər dənizinin Lənkaran sahilində, Həkəri çayın Laçın şəhərindən keçən hissəsində, Göyçay şəhəri Şəhriyar küçəsində, Ağcabədi rayonu Aşağı Avşar, Zaqatala rayonu Yuxarı Tala kəndlərində, Samux rayonu Qarayeri qəsəbəsində təmizlik aksiyaları keçirilib, ərazilər ümumilikdə 3.5 tondan artıq tullantıdan təmizlənib.

Azmedinfo.az Ekologiya və Təbii Sərvətlər Nazirliyinin ictimai maarifləndirmə və cəmiyyətin ekoloji məsuliyyətini artırmağa xidmət missiyasına dəstək olur.

Təmizlik aksiyalarının keçirilməsində məqsəd tullantıların düzgün şəkildə idarə olunmasını təşviq etmək, vətəndaşları təmizliyə və ətraf mühitə qarşı məsuliyyətli yanaşmağa yönəltməkdir.