Bu ilin yanvar-iyul ayları ərzində ölkədə heyvan hücumları nəticəsində ümumilikdə 27 476 nəfər müxtəlif dərəcəli xəsarətlər alıb.

Azmedinfo.az xəbər verir ki, Səhiyyə Nazirliyinin Respublika Gigiyena və Epidemiologiya Mərkəzinin verdiyi məlumata görə, zərərçəkənlərin 69,8 faizi (19 176 nəfər) it dişləməsi səbəbindən yaralanıb. Təxminən 40 nəfərin isə çaqqal hücumu nəticəsində xəsarət aldığı bildirilib.

Məlumata əsasən, bütün yaralılara quduzluq əleyhinə peyvənd tətbiq olunub və tibbi nəzarətə götürülüblər. Bu ilin ilk yeddi ayında insanlar arasında quduzluq hadisəsi qeydə alınmayıb.

Qeyd edək ki, son belə hücum avqustun 10-da Xaçmazda baş verib. Bir neçə çaqqal kənd ərazisinə girərək 3 sakini dişləyib.