12 avqust – Xəzər Günü münasibətilə Bilgəh sahilində genişmiqyaslı təmizlik aksiyası keçirilib. Tədbir Ekologiya və Təbii Sərvətlər Nazirliyi, Azərbaycan Dövlət Su Ehtiyatları Agentliyi və Azərbaycan Könüllü Təşkilatları İttifaqına üzv könüllülərin birgə təşəbbüsü ilə təşkil olunub.

Azmedinfo.az Ekologiya və Təbii Sərvətlər Nazirliyinin ictimai maarifləndirmə və cəmiyyətin ekoloji məsuliyyətini artırmağa xidmət missiyasına dəstək olur.

Aksiya zamanı sahildən 500 kiloqramdan artıq tullantı toplanaraq utilizasiya üçün daşınıb. Tədbirin məqsədi Xəzər dənizinin mühafizəsinə diqqəti artırmaq, xüsusilə gənclər arasında ekoloji məsuliyyəti təşviq etmək və gələcək nəsillərə daha təmiz dəniz miras qoymaqdır.

Təşkilatçılar bildiriblər ki, hər bir kiçik addım Xəzərin sabahı üçün böyük əhəmiyyət kəsb edir.