Ulyanovskda virus xəstəliklərinin profilaktikasına yanaşmanı dəyişə biləcək tədqiqatlar aparılır. Alimlər interferon əsasında dərman hazırlayıblar — bu maddə orqanizmin immun cavabını aktivləşdirir. İdeya yeni olmasa da, reallaşdırma təəccüblüdür: klinik sınaqlar göstərib ki, bir çox xəstə illərlə qrip və digər infeksiyalara yoluxmayıb.

Azmedinfo.az "Discover24"ə istinadən yazır ki, dərman akademik Smorodintsevinin 1960-cı illərdə apardığı fundamental tədqiqatlara əsaslanır. Həmin dövrdə interferonun öyrənilməsi üçün unikal laboratoriya yaradılıb və onun ideyaları indi yeni reallıqlarda canlanır.

Dərmanın əsas xüsusiyyətlərindən biri spesifik virusdan asılı olmayan davamlı hüceyrə immunitetinin formalaşmasıdır. Bu o deməkdir ki, virus mutasiya etsə belə, qorunma qalır. Həmçinin laboratoriya əməkdaşları, xəstələrlə müntəzəm təmasda olduqları halda, əlavə qoruyucu vasitələr olmadan infeksiyalara qarşı davamlılıq nümayiş etdirirlər.

Amma bu inqilabın düşmənləri də var. Ekspertlərin sözlərinə görə, farmasevtik nəhənglər dərmanın kütləvi tətbiqinə maraqlı deyillər, çünki bu, mövsümi dərmanlar və peyvənd bazarını sarsıda bilər.

Ulyanovskda hazırlanmış dərman hələ geniş yayılmayıb, amma onun potensialı əvəzsizdir. Əgər dərman geniş istifadədə də sınaq mərhələsində olduğu qədər effektiv olarsa, biz tibb sahəsində əsl inqilaba şahid olacağıq.