Quanqzhou şəhərində fəaliyyət göstərən "Kaiwa Technology" şirkəti, insanabənzər yox, lakin süni uşaqlığa sahib bir robot hazırlamaqdadır. Bu robotun qarın nahiyəsində döl süni amniotik maye içində inkişaf edəcək və borular vasitəsilə qidalanaraq hamiləliyi tam şəkildə həyata keçirə biləcək bir sistemi ehtiva edir

Azmedinfo.az "New York Post"a istinadən yazır ki, layihənin 2026-cı ildə prototip səviyyəsində təqdim edilməsi planlaşdırılır və qiymətinin 100 000 yuan (təxminən 14 000 USD) olacağı gözlənilir.

“Bu sadəcə inkubator deyil, konsepsiyadan doğuşa qədər olan bütün mərhələləri təkrarlayan bir qurğudur”, — deyə "Kaiwa Technology"nin təsisçisi Zhanq Qifeng bildirib.

Bu texnologiya infertil cütlüklərə yeni ümidlər verə bilsə də, hələ bir sıra kritik aspektlər qaranlıq olaraq qalır. Məsələn: Döllənmə prosesinin texniki detalları — fertilizasiya və implantasiya necə baş tutacaq?

Bundan əlavə, doğuş prosesi — robotun çətin və zərif doğumu necə idarə edəcəyi naməlumdur.

Bu texnologiyanın tibbdə tətbiqi çoxsaylı imkanlar versə də, ciddi elmi və etik problemləri də gündəmə gətirir:

Fizioloji məhdudiyyətlər: Ana bədəninin hormon, immun sistem və neyroloji stimullaşdırması.

Əlaqə və bağ: Uşaq və ana arasındakı emosional bağ necə formalaşacaq?

Hüquqi status: Süni yolla doğulan uşaqlar üçün ailə və şəxsiyyət hüquqları necə müəyyən ediləcək?

Cəmiyyət və tənzimləmə: Sosial norma və hüquq sistemində bu yeni formanın yeri nə olacaq?

"Hamilə robot" layihəsi tibb elmi və texnologiyası üçün potensial inqilab səviyyəsində bir yenilik kimi təqdim edilir. Lakin bu mərhələdə – 2026-cı ildə prototip təqdimatı planlaşdırılsa da – hələ çox sayda texniki, etik, psixoloji və hüquqi suallar cavabsız qalır. Bioetik komitələr, mütəxəssislər və hüquq sistemi bu yeni çağırışa adekvat cavab hazırlamalıdır.