Yeni Klinikanın Ümumi Cərrahiyyə şöbəsinin müdiri Dr. Elşən Qədimov, xarici tələbələrə “Qasıq yırtığının laparoskopik bərpası (TAPP)” cərrahi əməliyyatını icra edərək izah edib.

Azmedinfo.az xəbər verir ki, tədris xarakterli əməliyyat zamanı Dr. Elşən Qədimov qasıq yırtığının laparoskopik üsulla bərpasının üstünlükləri, pasiyent üçün daha təhlükəsiz və minimal invaziv yanaşma olması barədə məlumat verib.

Xatırladaq ki, təcrübə dərsi TƏBİB Akademiyası və “Həkimlər və TƏBİB Tələbələr” İctimai Birliyinin birgə əməkdaşlığı çərçivəsində həyata keçirilən “Xarici Tələbələrin Tibbi Təcrübə Proqramı”nın tərkib hissəsi olaraq baş tutub.

Türkiyə, Rumıniya, İspaniya, Əlcəzair, Çexiya, Rusiya, Şimali Kipr, Bolqarıstan, Misir, Estoniya və Macarıstandan olan 17 tibb tələbəsi proqrama qoşularaq Yeni Klinikada praktiki biliklər əldə etməyə başlayıb.