Klinik psixiatr Rami Kaminski yeni bir şəxsiyyət tipini təsvir edib — “otrovertlər”.

Azmedinfo.az "New Scientist" portalına istinadən yazır ki, o, öz uşaqlıq xatirələrində ilk dəfə skaut dəstəsinə qoşulduğu günü yada salır. Bütün uşaqlar and içərkən, o, heç bir bağlılıq hiss etmədi və bununla da başa düşdü ki, kollektiv kimliyə ehtiyacı yoxdur.

Psixiatrın sözlərinə görə, bu hal psixoloji problem deyil, əksinə, əvvəllər izah edilməmiş xüsusi şəxsiyyət tipidir. Otrovertlər özlərini qrupla eyniləşdirməyə ehtiyac duymurlar, sosial təzyiqdən kənarda qalaraq sərbəst düşünə bilirlər.

Onlar müstəqillik, yaradıcı düşüncə və orijinal yanaşma ilə seçilirlər. Cəmiyyət tərəfindən tez-tez anlaşılmasalar da, tarix göstərir ki, belə fərdlər kütlənin fanatizmini hamıdan əvvəl sezirlər. R.Kaminski buna nümunə kimi Corc Oruelli göstərir — onun əsərləri kollektiv dəliyin təhlükələrinə qarşı xəbərdarlıq idi.

Otrovertlər sosial qaydalara kor-koranə tabe olmurlar, amma bu, onların yaxın münasibətlər qurmadığı demək deyil. Əksinə, onlar diqqətlərini həqiqətən dəyər verdikləri insanlarla möhkəm bağlara yönəldirlər.

Mütəxəssislər hesab edir ki, cəmiyyət həm kollektiv birliyi, həm də fərdi müstəqilliyi dəyərləndirməyi öyrənməlidir. Çünki çox zaman məhz müstəqil düşünənlər kütlənin təhlükəli səhvlərini vaxtında görüb xəbərdarlıq edirlər.