Virusoloqlar qanlı öskürəklə müşayiət olunan yeni virusun qurbanı olmamağın yollarından danışıblar. Öz tipinə görə o, suçiçəyinə bənzəyir. Hazırda epidemiya təhlükəsi barədə danışmaq üçün əsas yoxdur.

Azmedinfo.az "Medikform"a istinadən yazır ki, professor Viktor Zuyevin sözlərinə görə, yeni virus müxtəlif törədicilərin mutasiyası nəticəsində yaranıb. İnsanlarda da təkamül prosesində həssaslıq dəyişir. Yeni xəstəlik pnevmoniyaya bənzəyir, lakin yuxarı tənəffüs yollarını zədələyir. Qanlı öskürək səbəbindən onun ağciyərlərdə iltihaba yol aça biləcəyi ehtimal edilir.

Mütəxəssislər bildirirlər ki, yeni virusla bağlı ənənəvi tədbirlər görülməlidir: maska taxmaq, insanların sıx toplaşdığı yerlərdən uzaq durmaq, xəstələrlə təmasdan qaçmaq. Yoluxma hava-damcı yolu ilə baş verir. Risklərin azalmasına burunla nəfəs almaq da kömək edə bilər.

Terapevt Lyudmila Lapa əlavə edib ki, yoluxma zamanı ağciyərlərdə bullalar (hava dolu boşluqlar) formalaşa bilər. İltihabi proseslər bronxlarda da baş verə bilər.