Səhiyyə Nazirliyi yanında İctimai Səhiyyə və İslahatlar Mərkəzi vətəndaşlara hipertoniya xəstəliyinin profilaktikası ilə bağlı tövsiyələr verib.

Azmedinfo.az xəbər verir ki, mütəxəssislərin sözlərinə görə, ilk növbədə sağlam həyat tərzi seçmək vacibdir.

Bunun üçün:

Qida tərkibində dəyişiklik edilməli, heyvani yağların və duzun istifadəsi azaldılmalı (gündə 5-6 qramdan çox olmamaqla), meyvə-tərəvəzin qida rasionunda artırılması tövsiyə olunur;

Fiziki aktivlik gündəlik həyatın ayrılmaz hissəsinə çevrilməlidir;

Arterial təzyiqə mütəmadi nəzarət edilməlidir.

Mütəxəssislər bildirirlər ki, sadalanan qaydalara əməl etməklə hipertoniya xəstəliyinin qarşısını almaq və sağlam həyat keyfiyyətini qorumaq mümkündür.