Yüksək arterial təzyiq ürək-damar xəstəliklərinin əsas səbəblərindən biri olaraq qalır. Bir sıra tədqiqatlar göstərir ki, bəzi təbii əlavələr onun nəzarət altında saxlanmasına kömək edə bilər.

Azmedinfo.az "Medikforum"a istinadən yazır ki, ən çox öyrənilmiş vasitələrdən biri çuğundur tozudur. Çuğundur nitratlarla zəngindir və orqanizmdə bu maddələr azot oksidinə çevrilir. Azot oksidi isə damarları genişləndirir və qan dövranını yaxşılaşdırır, bu da təzyiqin azalmasına kömək edir.

Omega-3 yağ turşuları, xüsusən balıq yağında olanlar, iltihabı azaldır və tromb əmələ gəlmə riskini aşağı salır. Alimlər bildirirlər ki, sarımsaq də damarların rahatlamasına və qan dövranının yaxşılaşmasına dəstək olur.

Başqa mühüm element isə maqneziumdur. O, qoz-fındıq və yaşıl tərəvəzlərdə mövcuddur, əks halda çatışmazlıq zamanı əlavələr şəklində istifadə edilə bilər.

Mütəxəssislər qeyd edirlər ki, bu məhsulların istifadəsi düzgün qidalanma, fiziki aktivlik və tibbi tövsiyələrlə birlikdə olmalıdır.