Beynəlxalq meta-analiz nəticəsində 30 klinik tədqiqat göstərdi ki, intensiv yoqa ilə müntəzəm məşq etmək yuxunu, piyada gəzmək, güc məşqləri, aerobika və ya çigun və tayci kimi şərq praktikalardan daha effektiv yaxşılaşdırır.

Azmedinfo.az Sleep and Biological Rhythms jurnalında dərc olununan məqaləyə istinadən xəbər verir ki, tədqiqatda müxtəlif yaş qruplarından, onlarla ölkədən 2,5 mindən çox yuxu pozuntuları yaşayan şəxs iştirak edib. 

Ən yaxşı nəticə həftədə iki dəfə yarım saatdan az yoqa ilə məşğul olanlarda müşahidə olunub. Artıq 8–10 həftə sonra yuxu daha dərin və keyfiyyətli olur. Effektivliyə görə onu piyada gəzinti, daha sonra isə güc məşqləri izləyib.

Tədqiqat müəllifləri bildirirlər ki, yoqa yalnız əzələləri gücləndirmir və ürək ritmini sürətləndirmir, həm də nəfəsi tənzimləyərək istirahət və bərpa üçün məsul parasimpatik sinir sistemini aktivləşdirir. Bundan əlavə, praktikalar beyindəki ritmlərə təsir edərək yuxunun daha dərin mərhələlərinə keçidi təşviq edə bilər.

Eyni zamanda, tədqiqatçılar xəbərdarlıq ediblər ki, hər hansı fiziki aktivlik yuxunu yaxşılaşdırsa da, yuxusuzluq üçün universal resept yoxdur. Nəticələr fərdin orqanizminə və seçilmiş texnikaya görə dəyişə bilər.