Çin alimləri ilk dəfə donuz ağciyərlərinin insana uğurlu transplantasiyasını həyata keçirə biliblər.

Azmedinfo.az xəbər verir ki, müvafiq tədqiqatın nəticələri Nature Medicine jurnalında dərc olunub.

Müəlliflər vurğulayırlar ki, əvvəllər insanlara genetik modifikasiya edilmiş donuz ağciyərləri transplantasiya edilməyib. Çin mütəxəssisləri bu uğuru reallaşdırıblar. Məqalədə ksenotransplantasiya detalları açıqlanır: altı geni redaktə olunmuş donuz ağciyəri 38 yaşlı kişiyə köçürülüb.

Əməliyyatın mühüm detalları: transplantasiyadan əvvəl kişidə beyin qanaması baş vermişdi və beyin funksiyasını dayandırmışdı. Məqalədə eksperimentin pozitiv nəticələri qeyd olunur: transplantasiya olunmuş ağciyər 216 saat ərzində funksional olub. Mütəxəssislər həm infeksiya, həm də orqanın kəskin uyğunsuzluğunu qeydə almayıblar.

Bu, son aylarda uğurlu transplantasiya təcrübələrindən ilk deyil. Məsələn, cari ilin may ayında ABŞ cərrahları dünyada ilk dəfə insana sidik kisəsinin transplantasiyasını həyata keçiriblər. Əməliyyatı Kaliforniya Universiteti, Los-Ancelesdəki Ronald Reyqan Tibb Mərkəzinin mütəxəssisləri aparıblar.