Ailə planlaşdırılması sağlamlıq sahəsində mühüm istiqamətlərdən biridir və reproduktiv sağlamlığın qorunmasına xidmət edir. Onun əsas məqsədi qadınların və kişilərin arzuolunmaz hamiləliklərin qarşısını almaq, hamiləliklər arasında optimal müddət saxlamaq, həmçinin sağlam ana və körpə dünyaya gətirilməsini təmin etməkdir.

Azmedinfo.az mütəxəssislkərin rəyinə əsaslanmaqla ailə planlaşdırılmasının əsas üstünlüklərini sadalayır:

Ana və uşağın sağlamlığını qoruyur;

Hamiləliklərin vaxtını ailənin istəklərinə uyğun tənzimləməyə imkan yaradır;

Uşaqlar arasında sağlam böyümə üçün lazım olan fasiləni təmin edir;

Arzuolunmaz hamiləlik və abort hallarının qarşısını alır;

Qadının orqanizminə və psixoloji durumuna müsbət təsir göstərir.

Hansılar ailə planlaşdırılmasına daxildir?

Təhlükəsiz və müasir kontraseptiv üsullar (hormonal preparatlar, spiral, prezervativlər və s.);

Hamiləlikdən əvvəl tibbi məsləhət və müayinə;

Sağlam həyat tərzi ilə bağlı maarifləndirmə;

Zəruri hallarda həkim-ginekoloq, uroloq və ya digər mütəxəssislərin tövsiyələri.

Hər bir ailə planlaşdırması qərarı fərdi yanaşma tələb edir. Bu səbəbdən qadınlar və ailələr mütləq şəkildə ginekoloq və ya ailə həkiminə müraciət etməli, öz yaşına, sağlamlıq vəziyyətinə və həyat tərzinə uyğun olan üsulu seçməlidirlər.

Unutmayaq ki, ailə planlaşdırılması təkcə tibbi deyil, həm də sosial rifah üçün mühüm amildir. Sağlam ailə sağlam cəmiyyətin təməlidir.