Endotrakeal intubasiya zamanı ağızdan və ya burundan elastik plastik boru (ETT) nəfəs borusuna yerləşdirilir. Bu prosedurun əsas məqsədi hava yolunu açıq saxlamaq və eyni zamanda  oksigenin birbaşa ağciyərlərə çatdırılmasını təmin etməkdir.

Azmedinfo.az xəbər verir ki, ETT-nin istifadə olunduğu hallara təcili vəziyyətlər – xəstənin nəfəs ala bilmədiyi, boğulma, ağır travma və ürək dayanması zamanı, cərrahiyyə əməliyyatları – narkoz və oksigenin idarə olunması üçün, həmçinin reanimasiya və intensiv terapiya – süni tənəffüs aparatına qoşulması zəruri olan xəstələr daxildir.

Əhəmiyyəti ondan ibarətdir ki, prosedur xəstənin boğulmasının qarşısını alır, nəfəs yolunu qoruyur və həyati vacib oksigeni birbaşa ağciyərlərə ötürür.

Mütəxəssislər bildirirlər ki, qısaca desək, endotrakeal intubasiya – həyatla ölüm arasında körpü rolunu oynayan ən kritik tibbi prosedurlardan biridir.