Elm və Təhsil Nazirliyinin Dendrologiya İnstitutunun əməkdaşlarının həmmüəllifi olduqları “Xalq və ənənəvi təbabətin bəzi dərman bitkiləri” kitabı işıq üzü görüb.

Azmedinfo.az xəbər verir ki, kitab Dendrologiya İnstitutunun baş direktoru vəzifəsini icra edən biologiya üzrə fəlsəfə doktoru, dosent Minarə Həsənova, biologiya üzrə fəlsəfə doktoru, dosent Ramiz Ələkbərov, biologiya üzrə fəlsəfə doktoru, dosent Afiq Qazıyev, biologiya üzrə fəlsəfə doktoru, dosent Dilruba Əliyeva, İlhamə Mircəlallı Venera Əhmədova və Zəhra Abbaszadə  tərəfindən hazırlanıb.

Kitabda Azərbaycan ərazisində yayılmış dərman əhəmiyyətli bitki növləri haqqında ətraflı məlumatlar təqdim edilmiş, onlardan xalq və ənənəvi təbabət üsulları əsasında müxtəlif xəstəliklərlərin müalicəsində istifadəsi, dərman və qarışıqların hazırlanması qaydaları haqqında geniş izahatlar verilib.

Kitab, həm tibb mütəxəssisləri, bioloqlar, həm də sağlamlıq marağında olan geniş oxucu kütləsi üçün nəzərdə tutulub.