Sink və kalsium saçları və dırnaqları möhkəmləndirir, dəmir isə dərinin vəziyyətini yaxşılaşdırır.

Azmedinfo.az-ın təqdimarında saç və dırnaq sağlamlığı üçün hansı maddələrin vacib olduğunu nəzərdən keçirək:

Omega-3 yağ turşuları – dərinin nəmlənməsinə və elastikliyinə cavabdeh olan kollagen liflərinin bərpasına kömək edir, dərinin qoruyucu baryerini möhkəmləndirir.

Sink – kollagenin istehsalında iştirak edir, dəri elastikliyini və sağlamlığını qoruyur, hüceyrələrin bərpası üçün vacibdir.

Dəmir – dəri hüceyrələrinə, saç follikullarına və dırnaqların böyümə sahəsinə oksigen daşıyır. Onun çatışmazlığı dəri solğunluğuna və zəif saçlara səbəb ola bilər.

Kalsium – saç və dırnaq strukturunu möhkəmləndirir, onların sınmasını və kövrəkləşməsini azaldır.

Vitaminlər:

A vitamini – dərinin quruluğunu və qıcıqlanmanı azaldır, antioksidant qoruma təmin edir.

E vitamini – qan dövranını yaxşılaşdırır, toxumaların qidalanmasını təmin edir, dərinin su balansını qoruyur.

D vitamini – saçların və dırnaqların böyüməsini stimullaşdırır, çatışmazlığı dəridə quruluq və kəpəyə bənzər problemlər yarada bilər.

B qrupu vitaminləri – saçların quruluğunu və dırnaqların kövrəkliyini azaldır, saç tökülməsinin qarşısını alır, həmçinin stressə davamlılığı artıraraq dərinin və saçın vəziyyətinə müsbət təsir göstərir.