TƏBİB-ə təklif, şikayət, tələb və s. ilə bağlı necə müraciət edə bilərəm?

03 Sentyabr 2025

4094

TƏBİB-ə təklif, şikayət, tələb və s. ilə bağlı necə müraciət edə bilərəm?

TƏBİB-ə olan müraciətlər “Vətəndaşların müraciətləri haqqında” Azərbaycan Respublikasının Qanunu və digər qanunvericilik aktlarına uyğun olaraq qeydiyyata alınır və baxılır.

Azmedinfo.az xəbər verir ki, vətəndaşlar öz müraciətlərini info@tabib.gov.az elektron poçt ünvanına və ya tabib.gov.az saytına daxil olub elektron müraciət formasını dolduraraq ünvanlaya bilər. Məlumat üçün bildirək ki, “815” Çağrı Mərkəzinə edilən zənglər və TƏBİB-in sosial media hesablarından daxil olan müraciətlər də qeydə alınır və cavablandırılır.

Bütün hallarda müraciətlərin mətni oxunaqlı olmalı, təklif və ya tələb aydın ifadə edilməli, təhqir və böhtana yol verilməməlidir.

Anonim müraciətlər isə ümumiyyətlə qəbul edilmir və baxılmır.

Vətəndaşların müraciətlərinə ən geci 15 iş günü, əlavə öyrənilmə və yoxlanılmaya ehtiyac yarandıqda ən geci 30 iş günü müddətində baxılır. Hərbi qulluqçuların və onların ailə üzvlərinin müraciətlərinə daxil olduğu gündən etibarən ən geci 15 iş günü ərzində baxılır.

TƏBİB