Payız təkcə qızılı yarpaqlar yox, həm də güclü geomaqnit dalğalanmaları gətirəcək. Sentyabr ayında günəş aktivliyinin artması səbəbindən baş verəcək maqnit qasırğaları meteohəssas insanlarda təzyiqin yüksəlməsi, miqren və yuxusuzluq kimi şikayətlərə yol aça bilər.

Azmedinfo.az "Realnoe Vremya"ya istinadən xəbər verir ki, həkimlər belə günlərdə sağlamlığı qorumaq üçün əvvəlcədən tədbir görməyi, gündəlik rejimə diqqət yetirməyi və sadə profilaktik üsullardan yararlanmağı tövsiyə edirlər.

Təqvim:

3–4 sentyabr – geomaqnit sahəsində gərginlik gözlənilir.

5 sentyabr – zəif G1 səviyyəli maqnit qasırğası.

6 sentyabr – təsirin qismən azalması.

7–9 sentyabr – yenidən güclü qasırğa və davam edən gərginlik.

10–13 sentyabr – sakit günlər, maqnit sahəsi normada olacaq.

14 sentyabr – maqnit sahəsində pozulmalar.

15 sentyabr – güclü maqnit qasırğası gözlənilir.

16 sentyabr – yenidən gərginlik davam edəcək.

17 sentyabrdan ayın sonuna qədər – bütün günlər sakitdir, maqnit sahəsi sabit olacaq.

Mütəxəssislər xəbərdarlıq edirlər ki, xüsusilə ürək-damar xəstəlikləri olan şəxslər bu tarixlərdə daha diqqətli olmalı, istirahətə üstünlük verməli və həkim göstərişlərinə əməl etməlidirlər.