Kornea donorluğu görmə qabiliyyətini itirmiş insanlara yenidən dünyanı görmək imkanı bəxş edir. Bu proses yalnız donor dünyasını dəyişdikdən sonra həyata keçirilir və transplantasiya zamanı göz bütöv şəkildə köçürülmür – əməliyyata cəlb edilən yalnız buynuz qişa (gözün önündə yerləşən şəffaf toxuma) olur.

Azmedinfo.az xəbər verir ki, mütəxəssislərin bildirdiyinə görə, zəif görmə faktı kornea donorluğuna maneə sayılmır. Çünki çox vaxt görmə itkisinə səbəb olan xəstəliklər buynuz qişanı zədələmir. Eyni zamanda, donorun simasında heç bir dəyişiklik baş vermir, yəni donorluq prosesi insanın görünüşünə təsir etmir.

Həkimlərin vurğuladığı kimi, kornea donorluğu sadəcə bir tibbi əməliyyat deyil. Bu, işığını itirmiş bir insanın həyatına ümid və işıq bəxş edən ən böyük hədiyyələrdən biridir.

Orqan Donorluğu və Transplantasiyası üzrə Koordinasiya Mərkəzi