RTU MİREA universitetinin biotexnoloqu Mariya Zolotaryova çiy əti yumağın insan sağlamlığı üçün təhlükəli bakteriyaların yayılmasına şərait yaratdığı barədə xəbərdarlıq edib. Onun sözlərinə görə, su sıçramaları zamanı patogenlər mətbəxdə səthlərə yaya bilər.

Azmedinfo.az "Medikforum" nəşrinə istinadən yazır ki, mtəxəssisin bildirdiyinə görə, çiy ət yuyulduqda damcılar 50 sm-ə qədər məsafəyə sıçraya bilir. Onlar masaya və qab-qacağa düşə bilər. Ən böyük təhlükə adətən toyuqda rast gəlinən salmonella və kampilobakteriyalardır. Bu bakteriyalar orqanizmə düşdükdə qızdırma, ürəkbulanma, qusma və ishal ilə müşayiət olunan zəhərlənmə yaradır.

Mütəxəssis qeyd edib ki, axar su bakteriyaları məhv etmir. Onları yalnız istiliklə bişirməklə öldürmək mümkündür. Ətin doğranması üçün ayrı kəsim lövhəsindən istifadə olunmalı, sonra isə xüsusi vasitə ilə yaxşıca yuyulmalıdır. Ətlə təmasdan sonra əllər ən azı 20 saniyə sabunla yuyulmalıdır.