Qısa gündüz yuxusu əhval-ruhiyyəni yaxşılaşdırır, beynin öyrənmə qabiliyyətini artırır, stress səviyyəsini azaldır və yaddaşın konsolidasiyasına kömək edir. Bu isə artıq informasiyadan qurtulmağa və yeni məlumat üçün yer açmağa şərait yaradır.

Azmedinfo.az xəbər verir ki, bu barədə "Life" portalına nevroloq Yekaterina Demyanovskaya elmi araşdırmalarından çıxış edərək danışıb.

Onun sözlərinə görə, fasiləsiz yuxu bir neçə mərhələdən ibarətdir və hər mərhələ müxtəlif fazaları əhatə edir.

Birinci mərhələ — yuxunun yavaş fazasıdır. Əvvəlcə insan mürgüləyir, bu zaman ürək döyüntüləri və tənəffüs yavaşıyır, əzələlər boşalır.

Daha sonra səthi yuxu başlayır, bu mərhələdə beyin xarici qıcıqları qəbul etmir və dərin yuxuya hazırlaşır.

Alimlər müşahidə ediblər ki, yuxunun ilk və ən qısa fazasından dərhal sonra beynin fəaliyyəti daha da aktivləşir.