Nar şirəsi onkologiyanın profilaktikası üçün faydalıdır

Onkoloji xəstəliklərin profilaktikasında gündəlik qidalanma böyük rol oynayır. Nutrioloq Marina Şkileva bildirib ki, bəzi məhsullar patoloji proseslərin inkişafını ləngidə və immun sistemini möhkəmləndirə bilər.

Azmedinfo.az "Life" portalına istinadən yazır ki, ekspertin sözlərinə görə, ən önəmlilərdən biri nar şirəsidir. O, antioksidantlarla zəngindir və sərbəst radikalları neytrallaşdırmağa kömək edir.

Mütəxəssis həmçinin qidalanmada zərdəçalın vacibliyini vurğulayıb. Onu ədviyyat kimi yeməklərə, bişirmələrə və içkilərə əlavə etmək tövsiyə olunur.

Rasionda selenlə zəngin məhsullar da olmalıdır: Braziliya qozu, yumurta, qaraciyər, morina balığı və günəbaxan tumu.

Eyni dərəcədə vacib məhsullardan biri də pomidordur. Onun tərkibindəki likopin güclü antioksidant xüsusiyyətlərə malikdir və xərçəng hüceyrələrinin böyüməsini ləngidə, hətta dayandıra bilər.

Həmçinin qidalanmaya yaşıl çay, sarımsaq, soğan və kversetinlə zəngin olan məhsullar – kaparis, kakao və acı bibər də daxil edilməlidir. Bu komponentlər orqanizmin müdafiə mexanizmlərini gücləndirir və hüceyrələrin vəziyyətini yaxşılaşdırır.

Lakin profilaktikanın mühüm tərəfi təkcə düzgün qidalanma deyil, həm də ümumi həyat tərzidir.