Prostat vəzi xüsusən 40 yaşdan yuxarı kişilərdə böyüməyə meyilli olur. Bu böyümə adətən sidiyə çıxmada çətinlik və tez-tez sidiyə getmə kimi əlamətlərlə özünü göstərir.

Azmedinfo.az xəbər verir ki, bu fikirləri uzman uroloq Elnur Allahverdiyev bildirib. Həkimin sözlərinə görə, prostat böyüməsinin uğurlu müalicəsi mümkündür – düzgün dərman seçimi və müasir əməliyyat üsulları ilə yüksək nəticə əldə edilir. Burada ən vacib məqam erkən diaqnozdur.

Prostat xərçəngi isə xüsusilə diqqət tələb edir. Çünki bu xəstəlik ilkin mərhələdə heç bir əlamət verməyə bilər. Mütəxəssis vaxtında aparılan PSA (prostat spesifik antigen) müayinələrinin həyati əhəmiyyət daşıdığını vurğulayır.

Prostat sağlamlığında profilaktik müayinələr və erkən həkimə müraciət kişilərin sağlam həyatını qorumağın əsas yoludur.