Arıqlamaq üçün qidalanma vərdişlərinin düzgün formalaşdırılması və gündəlik kalori qəbuluna diqqət yetirilməsi mühüm əhəmiyyət daşıyır. Həkim Vasif İsmayılın sözlərinə görə, artıq çəkidən xilas olmaq üçün üç əsas məqama diqqət yetirmək lazımdır.

Azmedinfo.az xəbər verir ki, həkim ilk növbədə kalorili içkilər əvəzinə qidaları çeynəyərək qəbul etməyi tövsiyə edir. Çünki bərk qidalar toxluq hissinin yaranmasına və daha uzun müddət davam etməsinə kömək edə bilər.

İkinci məqam aclıq hissi yarandıqda yemək və orqanizmin toxluq siqnallarını nəzərə almaqdır. Üçüncü tövsiyə isə aclıq zamanı zülalla zəngin, kalorisi nisbətən az və doyurucu qidalara üstünlük verməkdir. Heyvan mənşəli qidalar bu baxımdan seçimlərdən biri ola bilər.

Bununla belə, sağlam arıqlama fərdi xüsusiyyətlərdən, ümumi enerji qəbulundan, fiziki aktivlikdən və qidalanma balansından asılıdır. Davamlı nəticə əldə etmək üçün balanslı qidalanma və sağlam həyat tərzi əsas götürülməlidir.

Mövzu ilə bağlı ətraflı videodan izləyin.