Süd vəzi xərçənginin müalicəsində uğur xəstəliyin erkən mərhələdə aşkarlanması ilə sıx bağlıdır.

Azmedinfo.az xəbər verir ki, Respublika Diaqnostika Mərkəzinin onkoloqu Dr. Vəli Əliyevin sözlərinə görə, müalicə planı hər pasiyent üçün fərdi şəkildə hazırlanır və bu zaman şişin növü, mərhələsi, hormon profili və digər klinik xüsusiyyətlər nəzərə alınır.

Müasir onkologiyada süd vəzi xərçənginin müalicəsində cərrahi müdaxilə ilə yanaşı, kimyaterapiya, hormonterapiya, immunterapiya, hədəfli terapiya və radioterapiya kimi müxtəlif üsullardan istifadə olunur. Müalicə metodunun seçimi xəstəliyin xüsusiyyətlərindən və pasiyentin klinik vəziyyətindən asılıdır.

Erkən diaqnoz xəstəliyin vaxtında müəyyən edilməsinə və müalicə strategiyasının düzgün seçilməsinə imkan verir. Buna görə də müntəzəm müayinələrdən keçmək, süd vəzilərində hər hansı dəyişiklik müşahidə edildikdə isə vaxtında həkimə müraciət etmək vacibdir.

Ətraflı videoda.