Xərçəng, ürək-damar xəstəlikləri və diabet kimi xroniki xəstəliklərdən ölüm riski dünyanın beş ölkəsindən dördündə azalıb.

Azmedinfo.az "Nature" jurnalına istinadən yazır ki, bu nəticəyə 2010–2019-cu illəri əhatə edən və 185 dövlətdən toplanan məlumatlara əsaslanan tədqiqatı aparan alimlər gəliblər. 

Mütəxəssislərin qiymətləndirməsinə görə, qeyri-infeksion xəstəliklərdən 80 yaşadək ölüm göstəriciləri qadınlarda 152, kişilərdə isə 147 ölkədə azalıb. Xüsusilə nəzərəçarpacaq irəliləyiş Danimarkada qeydə alınıb – inkişaf etmiş ölkələr arasında göstəricilər ən çox orada düşüb.

Eyni zamanda ABŞ-da azalma minimal olub, Hindistanda və Papua-Yeni Qvineyada isə əksinə, xroniki xəstəliklərdən ölüm göstəriciləri artıb. Rusiya da son onillikdə bu xəstəliklərdən ölüm hallarının azaldığı ölkələr sırasına daxil olub.