İnfeksionist Andrey Matyuxin müsahibəsində qrip əleyhinə vaksinasiya aparılmadan əvvəl müəyyən şərtlərə əməl olunmasının vacibliyini vurğulayıb. O bildirib ki, peyvənd xəstələnmələrin artacağı dövrdən iki–üç həftə əvvəl vurulmalıdır, çünki orqanizmə immun cavabın formalaşması və anticisimlərin yaranması üçün vaxt lazımdır.

Azmedinfo.az “Lenta.ru" istinadən yazır ki, mütəxəssisin bildirdiyinə görə, vaksin digər analoji preparatlar kimi eyni mexanizm əsasında işləyir: onun tərkibində xəstəliyə səbəb olmadan antigeni tanımağa imkan verən inaktivləşdirilmiş patogen mövcuddur.

Həkimin sözlərinə görə, vaksinasiya üçün hazırlığa xüsusi diqqət ayrılmalıdır. Prosedurdan bir neçə gün əvvəl alkoqoldan imtina etmək, soyuqlamadan, günəş altında uzun müddət qalmaqdan, intensiv fiziki yüklənmədən və insanların çox olduğu yerlərə getməkdən çəkinmək tövsiyə olunur.

İnfeksionist əlavə edib ki, peyvənd yalnız yaxşı səhhət durumu olduğu zamanı da vurula bilər. Soyuqdəymə simptomları, temperaturun yüksəlməsi, kəskin infeksiyaların əlamətləri, həmçinin xroniki və autoimmun xəstəliklərin kəskinləşməsi vaksinasiya üçün əks göstərişdir. Onun sözlərinə görə, bu tövsiyələrə əməl edilməsi immun müdafiənin effektivliyini artırır və yan təsirlərin riskini azaldır.