Ürək-damar cərrahı Prof. Dr. Faruk Hökenek bildirib ki, ayaqda şişlik və ağrı dərin ven trombozunun (damar içində qanın laxtalanması) göstəricisi ola bilər və dərhal həkimə müraciət olunmalıdır.

Azmedinfo.az "Medimagazin"ə istinadən yazır ki, onun sözlərinə görə, uzun səfərlər, əməliyyatdan sonra yataqda qalma və ya genetik meyillilik bu xəstəliyi tətikləyə bilər.

Erkən aşkar edilməsə, tromb qoparaq ağciyər emboliyasına səbəb ola və həyati təhlükə yarada bilər.

“Əgər səhər oyananda ayağınızda şişlik görürsünüzsə, uzun səfərdən sonra və ya əməliyyatdan sonra ayağınızda rəng dəyişməsi, qızartı və ya göyərmə varsa, ayağa basarkən çətinlik və baldırda ağrı hiss edirsinizsə, mütləq həkimə müraciət edin”, - professor bildirib.

Laxta ağciyərə keçərsə, nəfəs darlığı, ürəkdöyünmə və qəfil nəfəs alma çətinliyi yarana bilər. Bu halda dərhal xəstəxanaya getmək vacibdir.