ABŞ-da bir xəstə donorluq çərçivəsində daxili orqanlarının çıxarılmasından cəmi bir neçə saniyə əvvəl möcüzəvi şəkildə xilas olunub.

Azmedinfo.az xəbər verir ki, CNN-in yazdığına görə, 22 yaşlı Larri Bleykin ürəyi əməliyyat masasında döyünərkən komada olub. Onu təsadüfən əməliyyat blokuna girən gənc neyrocərrah xilas edib.

Hadisə 2019-cu ildə Missuri ştatında baş versə də, geniş ictimaiyyətə yalnız indi məlum olub.

Bleykin ailəsi son ana qədər donorluğun zəruriliyinə şübhə ilə yanaşıb. Onun bacıları hətta Larri hərəkətsiz uzansa da, suallara göz qırpmaq və ya yüngülcə döyməklə reaksiya verdiyini söyləyiblər.

Buna baxmayaraq, o, əməliyyat otağına aparılıb və orqanların çıxarılması proseduru başlamaq üzrə olub. Elə bu anda otağa daxil olan neyrocərrah əməliyyatla razı olmadığını bildirib və Bleykin əməliyyat masasından götürülməsini tələb edib.

Bir müddət sonra Larri yenidən ayağa qalxıb, danışmağa başlayıb və ümumilikdə sürətlə sağalmağa doğru gedib. Hazırda onun üç övladı var və musiqi ilə məşğuldur.